TARİXİ ABİDƏLƏR BƏRPA EDİLİR
Mədəniyyət Nazirliyinin Tarix və Mədəniyyət Abidələrinin Qorunması, Bərpası və İstifadəsi baş idarəsindən bildirmişlər ki, bu il ölkəmizdə tarixi abidələrin bərpasına 1 milyard 200 milyon manat vəsait sərf etmək nəzərdə tutulur. İlin sonunadək Naxçıvan Muxtar Respublikasının Culfa rayonundakı Əlincə çayı üzərində XII-XIV əsrlərdə inşa olunmuş “Xanəgah”, Hacıqabul rayonundakı Pirsaatçay üzərindəki XI-XIII əsrlərə aid “Pirhüseyn Xanəgahı”, Gəncə şəhərində “Nizaminin məqbərəsi” və XVIII əsrə aid “Çökək hamam”, Şəki şəhərində XIX əsrin yadigarı olan “Təcridxana binası”, “Şəki qala divarları”, Qax rayonunun İlisu kəndindəki “Bürc”, Mərdəkan qəsəbəsindəki “Abuturab türbəsi” kimi abidələrin bərpası başa çatdırılacaqdır.
Azərbaycanda dövlət tərəfindən mühafizə olunan 6308 tarixi abidə vardır. Bunların bəzilərini dağılmaq təhlükəsi gözləyir və bərpaya ehtiyacı olan abidələr çoxdur. Onların bərpasına təxminən 27 milyard manat vəsait tələb olunur.
Bölmənin digər xəbərləri
