TBİLİSİDƏ RADİKAL MÜXALİFƏTİN LİDERİ VƏTƏNDAŞ İTAƏTSİZLİYİNƏ ÇAĞIRIR
AZƏRTAC-ın müxbiri Tbilisidən xəbər verir ki, “Milli hərəkat” radikal müxalifət blokunun lideri Mixail Saakaşvili noyabrın 14-də parlamentin binası qarşısında keçirilən mitinqdə Gürcüstan əhalisini “ölkə prezidentinə vətəndaş itaətsizliyi kampaniyası”na başlamağa çağırmışdır.
O, “güc strukturlarını Şevardnadzenin göstərişlərinə tabe olmamağa, biznesmenləri vergiləri ödəməməyə, dövlət idarələrinin əməkdaşlarını işə çıxmamağa” çağırmışdır.
Saakaşvili iqtidara hədə-qorxu gələrək demişdir ki, noyabrın 15-dən müxalifətin tərəfdarları paytaxtda və yerlərdə hakimiyyət orqanlarının işini iflic vəziyyətə salacaqlar.
Bölmənin digər xəbərləri
