TƏBİB: Ermənistanın təxribatı nəticəsində yaralanan mülki şəxs əməliyyat olunacaq
Bakı, 14 sentyabr, AZƏRTAC
Ermənistan silahlı qüvvələrinin törətdiyi təxribatların nəticəsində mülki şəxs - Kəlbəcər rayonu Bozlu kənd sakini 1975-ci il təvəllüdlü Asim Musayev yaralanıb.
Tibbi Ərazi Bölmələrini İdarəetmə Birliyindən (TƏBİB) AZƏRTAC-a verilən məlumata görə, A.Musayev sol baldırın qəlpə yarası diaqnozu ilə sentyabrın 13-ü saat 22:00 radələrində Gəncə Şəhər Birləşmiş Xəstəxanasının tabeliyində olan 1 saylı Abbas Səhhət adına Xəstəxanaya yerləşdirilib.
Xəstəyə zəruri tibbi yardım göstərilib, daha sonra dizaltı arteriyanın doppler müayinəsi üçün Gəncədə yerləşən özəl tibb müəssisəsinə göndəriş verilib. Müayinə nəticəsində yaralanan şəxsin əməliyyat edilməsi qərara alınıb.
Bölmənin digər xəbərləri
