TEHRANDA MƏKTƏBLİLƏRİ GİROV SAXLAYAN ŞƏXS TƏSLİM OLMUŞDUR
Noyabrın 27-də səhər 35 yaşlı bir kişi 12 yaşlı qızının əlindən tutaraq, oğlanlar üçün məktəbin binasına daxil olmuşdur. O, müəllimləri və şagirdləri silahla hədələyərək, onların hamısını bir sinif otağına qovmuş və beləliklə, 120 nəfəri girov saxlamışdır.
Hadisə yerinə gələn polis məktəbi mühasirəyə almış və cinayətkarla danışıqlara başlamışdır. O bildirmişdir ki, hökumət onun tələbini yerinə yetirməsə, özünü də, məktəbi də partladacaqdır.
Frans Press agentliyinin xəbərinə görə, o, İran hökuməti ilə danışmaq istəyirmiş.
Bir müddətdən sonra cinayətkar öz qızı ilə birlikdə binadan çıxaraq, polisə təslim olmuşdur.
Bölmənin digər xəbərləri
