TƏHSİL İSLAHATI ÜZRƏ LAYİHƏNİN İCRA QRUPUNUN DİREKTORU ASİF CAHANGİROVUN ÇIXIŞI
Təhsil islahatı üzrə layihənin icra qrupunun direktoru ASİF CAHANGİROV Azərbaycan məktəblərinin real vəziyyətinə, problemlərinə bələd mütəxəssis kimi, seçkiqabağı yığıncaqlarda respublikamızın təhsil islahatları haqqında səslənən bəzi qeyri-obyektiv fikirlərə münasibətini bildirərək dedi ki, təhsil islahatını sıçrayış yolu ilə həyata keçirmək, bütün problemləri qısa müddətdə həll etmək mümkün deyildir. Prezident Heydər Əliyev hələ müəllimlərin XI qurultayında təhsil islahatlarının yalnız təkamül yolu ilə həyata keçirilməsinin vacibliyini izah etmişdir. Təhsildə problemlərin az olmadığını vurğulayan natiq dedi ki, hər bir məsələyə inkişaf dinamikası prizmasından yanaşmaq və nəticələrə müqayisəli təhlil əsasında qiymət vermək lazımdır.
Bölmənin digər xəbərləri
