TƏHSİL NAZİRLİYİNDƏ YENİ LAYİHƏNİN TƏQDİMATI OLMUŞDUR

07.10.2004 [12:09]
Çap et
A⁺ A^-

AZƏRTAC xəbər verir ki, Təhsil Nazirliyində “Gələcək Naminə” informasiya texnologiyaları təşkilatı tərəfindən “Kitab.Az-Elektron Kitabxana Şəbəkəsi” layihəsinin təqdimatı olmuşdur.

Nazir Misir Mərdanov bildirmişdir ki, bu layihənin birinci mərhələsində 4 ali məktəb kitabxanası müasir texnologiyalarla təmin edilmiş, 12 ali təhsil müəssisəsi isə bu işə cəlb olunmuşdur.

Rabitə və informasiya texnologiyaları naziri Əli Abbasov ölkəmizdə təhsilin inkişafına göstərilən dövlət qayğısından söhbət açmış, layihənin ilk dəfə Azərbaycan Dövlət İqtisad Universitetində həyata keçirildiyini söyləmişdir. Bu işlərdə “Ekson-Azərbaycan” şirkətinin və digər şirkətlərin köməyi yüksək qiymətləndirilmişdir.

Sonra “Kitab.Az-Elektron Kitabxana Şəbəkəsi” layihəsinin saytı təqdim olunmuşdur.