TƏHSİL PROBLEMLƏRİ İNSTİTUTUNUN DİREKTORU, PROFESSOR ABDULLA MEHRABOVUN ÇIXIŞI
Təhsil Problemləri İnstitutunun direktoru, professor ABDULLA MEHRABOV elmin, mədəniyyətin, incəsənətin tərəqqisinin, bütövlükdə xalqın intellektual potensialının formalaşmasının cəmiyyətin inkişafının əsas göstəricisi olduğunu, bunun ölkənin təhsil sistemi ilə təmin edildiyini xatırlatdı. O dedi ki, müasir dövrdə gedən qloballaşma prosesi Azərbaycan təhsil sisteminin, milli xüsusiyyətləri və milli dəyərləri saxlamaqla, dünya təhsil sisteminə inteqrasiyasını tələb edir.
Natiq 1999-cu ildə qəbul olunmuş İslahat Proqramının tələblərinin təmin olunması, təlim-tərbiyə prosesinin keyfiyyətinin yüksəldilməsi məqsədi ilə 2000-ci ildə Elmi Tədqiqat Pedaqoji Elmlər İnstitutunun və Təhsil Problemləri üzrə Respublika Elmi Metodik Mərkəzinin bazasında Təhsil Problemləri İnstitutunun yaradıldığını bildirdi.
Bölmənin digər xəbərləri
