Tələbələr Arxeologiya və Etnoqrafiya İnstitutunda elmi təcrübə keçiblər
Bakı, 3 may, AZƏRTAC
Azərbaycan Dövlət Mədəniyyət və İncəsənət Universitetinin rəssamlıq fakültəsinin sənətşünaslıq üzrə ixtisaslaşan tələbələri Azərbaycan Milli Elmlər Akademiyasının (AMEA) Arxeologiya və Etnoqrafiya İnstitutunda elmi təcrübə keçiblər.
AMEA-dan AZƏRTAC-a bildiriblər ki, təcrübə müddətində tələbələrə institutun strukturu, aparılan arxeoloji və etnoqrafik tədqiqatları, elmi araşdırmaların metodları barədə ətraflı məlumat verilib.
Sonra tələbələr institutun arxeoloji fondunda və İçərişəhərdəki Elmi Sərgi-Muzeyində maddi mədəniyyət nümunələri və arxeoloji tapıntılarla tanış olublar.
Bölmənin digər xəbərləri
