“TƏLƏBƏLƏR AZAD SAHİBKARLIQ FƏALİYYƏTİNDƏ” OYUNU ÜZRƏ AZƏRBAYCAN ÇEMPİONATI KEÇİRİLƏCƏKDİR
Gənclər və İdman Nazirliyindən AZƏRTAC-a bildirmişlər ki, mayın 30-da “Tələbələr azad sahibkarlıq fəaliyyətində” oyunu üzrə Azərbaycan çempionatı keçiriləcəkdir.
Çempionatın keçirilməsindən məqsəd Azərbaycanın iqtisadi potensialının gücləndirilməsində gənclərin rolunu artırmaq, gənclərin sahibkarlıq fəaliyyətini stimullaşdırmaq, tələbələrin təşkilatçılıq, idarəçilik və komandada işləmək qabiliyyətlərini inkişaf etdirməkdir.
“Tələbələr azad sahibkarlıq fəaliyyətində” beynəlxalq tələbə proqramının əsası 1975-ci ildə ABŞ universitetləri tərəfindən qoyulmuşdur. Hal-hazırda 48 ölkəni təmsil edən tələbə komandaları hər il keçirilən dünya çempionatlarında öz ölkələrini və universitetlərini təmsil edirlər.
2006-cı ildən isə Azərbaycan komandaları dünya çempionatlarında iştirak etmək hüququ qazanmışlar. Bununla da 2006-cı ilin sentyabrında Azərbaycan Dövlət İqtisad Universiteti və 2007-ci ilin oktyabrında isə Azərbaycan Tibb Universiteti Paris və Nyu-Yorkda keçirilən dünya çempionatlarında iştirak etmişdilər.
Cempionatda qalib gəlmiş komanda oktyabrın 1-2-də Sinqapurda “Tələbələr azad sahibkarlıq fəaliyyətində” oyunu üzrə dünya çempionatında Azərbaycanı təmsil edəcəkdir.
Bölmənin digər xəbərləri
