TƏRTƏR RAYONUNDA HEYVANDARLIĞIN İNKİŞAFINA DİQQƏT ARTIRILIR
Tərtər Rayon İcra Hakimiyyətindən AZƏRTAC-a bildirmişlər ki, rayonda heyvandarlığın inkişaf etdirilməsi üçün tədbirlər cari ilin 9 ayında da davam etdirilmişdir.
Cins və damazlıq işlərinin yaxşılaşdırılması məqsədi ilə rayonda 4 süni mayalanma məntəqəsi yaradılmış, lazımi avadanlıq və nəqliyyatla təchiz edilmişdir. Cəmilli və Qaynaq kəndlərində baytarlıq məntəqələri üçün binaların, “Gilan” MMC tərəfindən sutkada emal gücü 10 ton olan, 117 nəfərin işləyəcəyi süd emalı zavodunun inşasına başlanılmışdır.
Görülmüş tədbirlər nəticəsində qaramalın sayı ötən ilin eyni dövrü ilə müqayisədə 924 baş, qoyunların sayı 1.749 baş artmışdır.
Doqquz ayda rayonda diri çəkidə 1.245 ton ət, 8.743 ton süd, 102 ton yun istehsal olunmuşdur.
Bölmənin digər xəbərləri
