Tərtərdə taxıl biçini yekunlaşmaq üzrədir – orta məhsuldarlıq 41,32 sentnerdir
Tərtər, 10 iyul, AZƏRTAC
Tərtər rayonunda taxıl biçini başa çatmaq üzrədir.
Rayon Dövlət Aqrar İnkişaf Mərkəzindən AZƏRTAC-ın bölgə müxbirinə bildirilib ki, 7647 hektar taxıl sahəsindən 31 min 601 ton məhsul əldə edilib. Məhsulun 12 min 260 tonu buğda, 19 min 341 tonu arpadır. Taxıl sahəsinin hər hektarından orta məhsuldarlıq 41,32 sentner olub. Buğda sahələrində orta məhsuldarlıq 42,82 sentner, arpa zəmilərində isə 40,43 sentner təşkil edib.
Qeyd edək ki, 2026-cı ilin məhsulu üçün Tərtər rayonunda 8041,30 hektar sahədə taxıl becərilib. Onun 3253,40 hektarı buğda, 4787,90 hektarı dən üçün arpadır.
Müxbir – Tahir Ağaməmmədov
Bölmənin digər xəbərləri
