Teymur Musayev: məhdudiyyətlərin hamısının birdən götürülməsi yoluxma sayını kəskin artıra bilər
Bakı, 27 aprel, AZƏRTAC
“Mayın 1-dən ölkədə qapalı məkanlarda tibbi maskalardan istifadə tələbi ləğv edilir, lakin pandemiya davam etdiyindən əhali ayıq-sayıq olmalıdır”.
AZƏRTAC bildirir ki, bunu səhiyyə naziri Teymur Musayev jurnalistlərə açıqlamasında deyib.
“Əhalinin sıx toplaşdığı yerlərdə, qapalı məkanlarda maskadan istifadə tövsiyə olunandır. Digər qalan məhdudiyyətlərə gəlincə, bu məsələ cari epidemioloji vəziyyətdən asılıdır. Çünki məhdudiyyətlərin hamısının birdən götürülməsi koronavirus infeksiyasına yoluxma saylarının kəskin şəkildə artmasına səbəb olur.
Əsas rəqəmlər xəstəxanaya yerləşdirilən şəxslərin sayıdır. Xəstəxanaya yatış və infeksiyadan ölüm sayları diqqət edilən məqamlardandır. Ölkədə həyata keçirilən uğurlu vaksinasiya kampaniyası və tətbiq edilən əks-epidemioloji addımlar nəticəsində vəziyyət demək olar ki, stabildir. Rəqəmlər də get-gedə azalmaqdadır,” - deyən nazir virusa qarşı ayıq-sayıq olmağa çağırıb.
Bölmənin digər xəbərləri
