TİKİNTİ SAHƏSİNDƏ FƏALİYYƏT GÖSTƏRƏN ŞİRKƏTLƏR QİYMƏTLƏRİ ÖZLƏRİ MÜƏYYƏNLƏŞDİRİRLƏR
İqtisadi inkişaf naziri Heydər Babayev AZƏRTAC-a bildirmişdir ki, tikinti sektorunda fəaliyyət göstərən şirkətlərin hamısı özəl olduğundan bu sahədə qiymətləri də özləri müəyyənləşdirirlər. Biz sadəcə mövcud qiymətləri müəyyənləşdirməklə bağlı monitorinq keçirir, heç bir şəkildə bu sahəyə təsir etmirik. Tikinti sektoruna təsiri bazar özü göstərir. Mən belə hesab edirəm ki, bu gün bazarda tələbatın azalması məhz qiymət artımı ilə bağlıdır. Təbii ki, bəzi şirkətlər müəyyən dövrdən sonra siyasətlərini dəyişdirəcək və qiymətləri aşağı salacaq, bəziləri isə tikintini davam etdirmək üçün maliyyə çətinlikləri ilə qarşılaşacaqlar.
Bölmənin digər xəbərləri
