TOKİODA AZƏRBAYCAN RƏSSAMLARININ ƏSƏRLƏRİNDƏN İBARƏT SƏRGİ AÇILMIŞDIR

20.04.2006 [20:22]
Çap et
A⁺ A^-

AZƏRTAC xəbər verir ki, aprelin 18-də Tokionun Ginza rayonunda yerləşən “Daikokuya” sərgi salonunda əməkdar rəssam Arif Hüseynov və gənc rəssam Orxan Hüseynovun əsərlərindən ibarət sərgi açılmışdır.

Yaponiya-Avrasiya Cəmiyyətinin təşkilatçılığı ilə keçirilən tədbirin açılış mərasimində Azərbaycanın bu ölkədəki fövqəladə və səlahiyyətli səfiri Azər Hüseyn çıxış etmişdir. O, dövlətimizin başçısı İlham Əliyevin mart ayında Yaponiyaya səfəri barədə ətraflı məlumat vermişdir. Bildirmişdir ki, iki dövlət arasında əlaqələrin inkişafında yeni mərhələ olan bu səfər ölkələrimiz arasında təkcə siyasi və iqtisadi sahədə deyil, həm də mədəni əlaqələrin möhkəmləndirilməsində və inkişaf etdirilməsində böyük əhəmiyyətə malikdir. Səfir Azərbaycan rəssamlarının Tokioda sərgisinin açılmasını bunun bariz təzahürü olduğunu diqqətə çatdırmışdır.

Açılış mərasimində müəlliflərdən biri - Arif Hüseynov da iştirak etmişdir.

Sərgi aprelin 23-dək davam edəcəkdir.