Tovuz sakinləri əhalinin kütləvi tibbi müayinəsini yüksək qiymətləndirirlər
Tovuz, 20 fevral (AZƏRTAC). Müstəqil Azərbaycan dövlətinin qurucusu, ümummilli lider Heydər Əliyevin başladığı işlər bu gün Prezident İlham Əliyev tərəfindən böyük uğurla davam etdirilir. Respublika əhalisinin sosial vəziyyətinin yüksəldilməsi, sağlamlığının qorunması istiqamətində həyata keçirilən məqsədyönlü tədbirlər bu siyasətin tərkib hissəsidir. Hazırda ölkə vətəndaşları hamılıqla pulsuz müayinə olunur. Biz bu təşəbbüsü qəlbən dəstəkləyir və alqışlayırıq.
Bu sözləri tibbi müayinədən keçən Tovuz şəhər sakini Vəzir Süleymanov AZƏRTAC-a müsahibəsində bildirmişdir. O daha sonra demişdir: Bu müayinələr əhalinin sağlamlığının qorunmasına, xəstəliklərin erkən aşkarlanmasına xidmət edir. Mən yüksək səviyyədə təşkil olunan tibbi müayinə aksiyasından çox razıyam. Həkim və tibb işçilərinin nəzakətli rəftarı, peşəkarlığı məndə xoş təəssürat yaratdı. İnsanların sağlamlığına xidmət edən bu tədbirə görə həmyerlilərim adından dövlətimizin başçısına dərin minnətdarlığımı bildirirəm.
Bölmənin digər xəbərləri
