Tramp: Bayden bizi III Dünya müharibəsinə sürükləyəcək
Vaşinqton, 28 iyun, AZƏRTAC
“Biz bu gün uğursuz millətik və bu, Baydenə görədir”.
AZƏRTAC-ın məlumatına görə, bu sözləri ABŞ-ın keçmiş prezidenti Donald Tramp indiki prezident Co Baydenlə teledebat zamanı deyib. O, Baydenin hərbi siyasətini pisləyib və ona görə davam edən müharibələrin heç zaman başa çatmayacağını bildirib.
“O, bizi III Dünya müharibəsinə sürükləyəcək. III Dünya müharibəsi heç kəsin təsəvvür edə bilməyəcəyi dərəcədə yaxındır. Şimali Koreyanın rəhbəri Kim Çen In, Çin Xalq Respublikasının Sədri Si Cinpin, Rusiya Prezidenti Vladimir Putin onu ciddi qəbul etmir, ondan qorxmurlar”, - deyə Tramp əlavə edib.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
