Tramp varlıların ABŞ-dan mümkün qaçışının səbəbini açıqlayıb
Bakı, 24 aprel, AZƏRTAC
ABŞ-da vergilərin artırılması varlı şəxslərin başqa ölkələrə köçməsinə səbəb olacaq.
AZƏRTAC xəbər verir ki, “Bloomberg” agentliyi bu barədə ABŞ Prezidenti Donald Trampa istinad edib. Prezidentin sözlərinə görə, belə tədbirlərə əl atan ölkələr zəngin vətəndaşlarını itiriblər, bu da pis nəticədir, çünki varlılar vergi ödəyicisidir.
Mövzu ilə bağı şərhlərə milyon dollar və daha çox qazanan amerikalılar üçün vergilərin 37 faizdən 40 faizə qaldırılması ilə bağlı müzakirələr səbəb olub. Respublikaçılar partiyasının bəzi üzvləri aralıq seçkilərində Demokratlar Partiyası ilə qarşıdurmada belə addımların faydalı olacağına inanırlar. Lakin partiyanın isteblişmenti vergilərin artırılması ideyasını qəbul etməyib.
Hesablamalara görə, milyon dollardan çox gəlirə 40 faizlik verginin tətbiqi növbəti on il ərzində ABŞ büdcəsinə təxminən 400 milyard dollar gəlir gətirəcək.
Bölmənin digər xəbərləri
