Tunisdən ölkə prezidentinin səhhətinə dair ziddiyyətli xəbərlər gəlir
Bakı, 27 iyun, AZƏRTAC
Tunisdən bu gün səhhətinin kəskin pisləşməsi ilə bağlı xəstəxanaya yerləşdirilmiş Prezident Beji Kaid əs-Sebsinin vəziyyəti haqqında ziddiyyətli informasiyalar gəlir.
AZƏRTAC xəbər verir ki, Al-Hadath telekanalı 92 yaşlı dövlət başçısının öldüyünə dair məlumat yayıb. Lakin Tunis Afrique Press agentliyinin məlumatına görə, prezidentin müşaviri Firas Kefraş dövlət başçısının ölüm xəbərini təkzib edib. “Prezident sabit kritik vəziyyətdədir”, - deyə o bildirib.
Eyni zamanda, Mosaique radiostansiyasının yaydığı digər xəbərə əsasən, parlamentin sədri Məhəmməd an-Naser bütün siyasi blokların rəhbərlərinin iştirakı ilə Xalq Nümayəndələri Məclisinin təcili iclasını çağırıb.
Bölmənin digər xəbərləri
