Tural Əhmədov: 100 məktəbəqədər təhsil müəssisəsində monitorinqlərin keçirilməsi planlaşdırılır
Bakı, 25 dekabr, AZƏRTAC
2025-ci ildə 11 ali təhsil müəssisəsinin və 4 peşə təhsili müəssisəsinin institusional akkreditasiyası, eyni zamanda proqram akkreditasiyasının keçirilməsi nəzərdə tutulur.
AZƏRTAC xəbər verir ki, bunu Təhsildə Keyfiyyət Təminatı Agentliyinin İdarə Heyətinin sədri Tural Əhmədov dekabrın 25-də keçirilən brifinqdə deyib. O bildirib ki, 2024-cü təqvim ili üzrə akkreditasiyadan keçməyən ali təhsil müəssisələrində təkrar akkreditasiya qiymətləndirilməsi planlaşdırılır: “Həmçinin məktəbəqədər təhsil proqramı üzrə proqram akkreditasiya qiymətləndirilməsi, orta ixtisas təhsili müəssisələri üçün pilot akkreditasiya qiymətləndirilməsi, elektron akkreditasiya sistemi üzərindən akkreditasiya qiymətləndirilməsinin təşkil edilməsi nəzərdə tutulur. 100 məktəbəqədər təhsil müəssisəsində monitorinqlərin keçirilməsi planlaşdırılır”.
Tural Əhmədov qeyd edib ki, növbəti təqvim ilində qeyri-formal və informal təhsilin tanınması istiqamətində 4 yeni peşə ixtisası əlavə olunacaq.
Bölmənin digər xəbərləri
