TÜRKİYƏ ERMƏNİSTAN-AZƏRBAYCAN, DAĞLIQ QARABAĞ MÜNAQİŞƏSİNİN ƏDALƏTLİ HƏLLİNİN TƏRƏFDARIDIR
Türkiyə Azərbaycan torpaqlarının 20 faizinin hələ də erməni işğalı altında olmasını Cənubi Qafqazda sülhə və təhlükəsizliyə böyük əngəl kimi dəyərləndirir. AZƏRTAC-ın verdiyi məlumata görə, bu fikri Türkiyənin daxili işlər naziri Abdulkadir Aksu Bakıda nazir Ramil Usubovla görüşündə bildirmişdir. O, Ermənistan-Azərbaycan, Dağlıq Qarabağ məsələsində Türkiyənin mövqeyini açıqlayaraq demişdir ki, Türkiyə ATƏT-in Minsk qrupunun üzvü və qonşu ölkə kimi, bu problemin sülh yolu ilə ədalətli həllinə tərəfdardır və bu məsələ həll olunmayana qədər Türkiyənin Ermənistanla əlaqələr qurması və işbirliyi yaratması mümkün deyildir.
Bölmənin digər xəbərləri
