TÜRKİYƏ HÖKUMƏTİ ABŞ-IN XAHİŞİNİ NƏZƏRDƏN KEÇİRİR
Okeanın o tayına səfərdən bazar günü qayıdan nazir bəyan etmişdir ki, Türkiyə hökuməti İraqda təhlükəsizliyin təmin olunması üçün türk əsgərinin bu qonşu ölkəyə göndərilməsi barədə ABŞ-ın xahişini diqqətlə nəzərdən keçirməlidir. Abdulla Gül vurğulamışdır ki, bu məsələyə dair qərar bir-iki günün içində qəbul edilə və tələsikliyə yol verilə bilməz.
Türkiyə mətbuatının məlumatına görə, ABŞ-ın dövlət katibi Kolin Pauell həmkarı Abdulla Gülə bildirmişdir ki, o, İraqda sülhyaratma əməliyyatında türk əsgərinin də iştirakı məsələsi haqqında Ankaranın tezliklə qərar qəbul edəcəyini gözləyir.
“Milliyyət” qəzeti yazır ki, Türkiyə İraqa 12 min nəfərlik hərbi kontingent göndərməyə prinsipcə hazırdır. Lakin A.Gülün ABŞ-a səfərinin yekunlarına görə, Ankara Vaşinqtonun xahişinə son dərəcə ehtiyatla yanaşır və bir sıra şərtlər irəli sürür. Ən mühüm şərtlərdən biri İraqa əsgər göndərilməsi üçün BMT-nin mandatını almaqdan ibarətdir.
Bölmənin digər xəbərləri
