Türkiyə məscidlərində “Qazi Qarabağ azanı” səsləndirilmişdir
Bakı, 26 fevral (AZƏRTAC). Azərbaycanın Qarsdakı konsulluğunun təşəbbüsü ilə Türkiyə Respublikasının Qars, İğdır və baş konsulluğun əhatə dairəsinə daxil olan digər şəhərlərdə “Qazi Qarabağ azanı” səsləndirilmişdir.
AZƏRTAC xəbər verir ki, baş konsulluğun əməkdaşları Xocalı soyqırımının 22-ci ildönümü ilə bağlı keçirilmiş həmin aksiya çərçivəsində adları çəkilən şəhərlərin dini rəhbərləri ilə görüşmüş, “Qazi Qarabağ azanı” disklərə yazılaraq məscidlərə verilmiş, namaz vaxtlarında məscidlərdə ibadətə gəlmiş yerli əhaliyə Xocalı həqiqətlərindən bəhs edən dərgilər paylanılmışdır.
Bundan əlavə, bəzi məscidlərin qarşısında Azərbaycan Respublikasının dövlət bayrağı, Xocalı soyqırımı və “Qazi Qarabağ azanı” haqqında məlumatları əks etdirən plakatlar asılmışdır.
Bölmənin digər xəbərləri
