TÜRKİYƏ RESPUBLİKASININ PREZİDENTİZATİ-ALİLƏRİ CƏNAB ƏHMƏD NECDƏT SEZƏRƏ
65 illik yubileyiniz münasibətilə Sizi səmimi qəlbdən təbrik edirəm.
Bu gün Sizin rəhbərliyiniz ilə qardaş Türkiyənin hərtərəfli inkişafı, beynəlxalq miqyasda nüfuzunun artması bizi sevindirir.
Bir-birinə qırılmaz tellərlə bağlı olan qardaş xalqlarımız arasındakı dostluq və əməkdaşlıq münasibətləri gündən-günə möhkəmlənməkdə və inkişaf etməkdədir. Sevindirici haldır ki, xalqlarımızı tarixən birləşdirən amillər sırasına zamanın nəbzi ilə yeniləri də əlavə olunur. Bunlardan ən əhəmiyyətlisi Prezident Heydər Əliyev tərəfindən əsası qoyulmuş və birgə səylərimiz sayəsində inşası yenicə başa çatdırılmış Bakı-Tbilisi-Ceyhan neft kəməridir. Əsrimizin bu nəhəng layihəsinin gerçəkləşməsində Sizin xidmətlərinizi böyük məmnunluqla qeyd etmək istərdim.
Cənab Prezident, bu əlamətdar gündə Sizə, bütün ailənizə ən xoş arzularımı yetirir, möhkəm cansağlığı, xoşbəxtlik, qardaş Türkiyənin yüksəlişi naminə fəaliyyətinizdə uğurlar diləyirəm.
Hörmətlə,
İlham Əliyev
Azərbaycan Respublikasının Prezidenti
Bakı, 6 sentyabr 2006-cı il.
Bölmənin digər xəbərləri
