TÜRKİYƏDƏ FACİƏLİ AVTOMOBİL QƏZALARI
AZƏRTAC-ın Ankaradan aldığı xəbərə görə, Türkiyə paytaxtının yaxınlığında, Qırıqqala bölgəsində baş vermiş avtomobil qəzası nəticəsində azı 17 adam həlak olmuş və bir neçə nəfər yaralanmışdır. Polisin məlumatında deyilir ki, yağmurlu yolda sərnişin mikroavtobusu gözlənilmədən əks zolağa keçmiş və ağır yük maşını ilə toqquşmuşdur. Mikroavtobusdakı sərnişinlərin hamısı həlak olmuş, yük maşınının sürücüsü və ortağı yüngül xəsarət almışlar.
Təxminən eyni vaxtda ölkənin şimalında, Samsun vilayətində digər avtomobil qəzasında yenə də oxşar vəziyyətdə 11 adam həlak olmuş, 14 nəfər yaralanmışdır. Orada da sərnişin avtobusu yük maşını ilə toqquşmuşdur.
Bölmənin digər xəbərləri
