TÜRKİYƏDƏ GÜCLÜ QAR YAĞDIĞINA GÖRƏ YOLLAR BAĞLANMIŞDIR
Balkanlardan gələn soyuq hava siklonu Türkiyəni bürümüşdür. Üç gün ərzində ölkədə havanın temperaturu təqribən 15-20 dərəcə aşağı düşmüşdür. Bursa, Bolu vilayətlərində, hətta İstanbul və Ədirnədə ilk qar yağmışdır. Əlverişsiz hava şəraitinə görə, Ankara-Ərzincan təyyarə reysləri təxirə salınmışdır. Qar yağdığına görə bağlanan İstanbul-Ankara avtomobil yolunun Bolu dağı rayonunda intensiv işlər aparılır. Meteoroloqlar soyuq hava siklonunun bu həftənin sonuna qədər bütün ölkə ərazisində davam edəcəyini bildirirlər.
Bölmənin digər xəbərləri
