Türkiyədə yağan aramsız leysan yağışları bir çox vilayətlərdə fəsadlar törədib
İstanbul, 11 avqust, AZƏRTAC
Türkiyədə yağan aramsız leysan yağışları Bartın, Sinop, Karabük başda olmaqla, ölkənin bir çox vilayətlərində fəsadlar törədib.
AZƏRTAC xəbər verir ki, yağıntı Türkiyənin Qara dəniz, Orta Anadolunun şərqi, Şərqi Anadolunun şimalı və qərbi ilə Çankırı, eləcə də Kahramanmaraş bölgələrində daha intensiv olub.
Yağan güclü yağışlar səbəbindən bəzi bölgələrdə evləri və ofisləri su basıb, torpaq sürüşmələri baş verib, körpülər dağılıb, hasarlar və yollar çöküb. Təbii fəlakətin daha ağır olduğu ərazilərdən əhali təxliyə edilib. Bartın vilayətində yolun çökməsi nəticəsində sel suları üç nəfəri aparıb. Onlardan ikisi xilas edilib, bir nəfərin axtarışları davam edir.
Hidrometeoroloqlar yağıntılı hava şəraitinin daha bir neçə gün davam edəcəyini proqnozlaşdırırlar.
Günel Məlikova
AZƏRTAC-ın xüsusi müxbiri
İstanbul
Bölmənin digər xəbərləri
