TÜRKİYƏLİ QADINLAR MİNGƏÇEVİRDƏ OLMUŞLAR
Türkiyənin baş naziri Rəcəb Tayyib Ərdoğanın müşaviri Səma xanım Ramazanoğlunun rəhbərlik etdiyi 12 nəfərdən ibarət nümayəndə heyəti, Yeni Azərbaycan Partiyasının Siyasi Şurasının üzvü, Milli Məclisin deputatı Məlahət Həsənova və Mingəçevir Şəhər İcra Hakimiyyətinin başçısı Lütfəli Babayev əvvəlcə Azərbaycan xalqının ümummilli lideri Heydər Əliyevin abidəsini ziyarət etmişlər.
İcra hakimiyyətində şəhərin ziyalı qadınlarının iştirakı ilə toplantı keçirilmişdir. Tədbirdə L.Babayev Azərbaycan və Türkiyə arasındakı münasibətlərin inkişafından, hazırda bir çox sahələrdə əlaqələrin yüksək səviyyədə olmasından söz açmışdır. O, qardaş ölkələrimizin qadınlarının birgə fəal əməkdaşlığından, dostluğumuz və qardaşlığımızın daha da möhkəmləndirilməsində, dünyada sülh və əmin-amanlığın bərqərar olunmasında qadınların böyük rolundan danışmışdır.
Səma Ramazanoğlu Mingəçevirdə qadınlarla görüşündən və onlarla müxtəlif mövzularda apardığı səmimi söhbətlərdən məmnun qaldığını bildirmişdir. Məlahət Həsənova iqtidar partiyaları olan Yeni Azərbaycan və Ədalət və İnkişaf partiyalarının qarşılıqlı münasibətlərindən, bu qurumların siyasi proseslərə təsirindən bəhs etmişdir.
Bölmənin digər xəbərləri
