TÜRKİYƏNİN İXRAC REKORDU
Türkiyənin dövlət statistika idarəsi 2003-cü ilin oktyabr ayı üzrə ölkənin iqtisadi göstəricilərini açıqlamışdır. Oktyabr ayı ərzində Türkiyənin ixracı 4,9 milyard ABŞ dolları məbləğində olmuşdur ki, bu da ölkə üçün rekord göstərici sayılır. Xatırladaq ki, 1980-ci ilə qədər ixrac göstəriciləri milyonlarla ifadə olunurdu. Bazar iqtisadiyyatına tam keçid dövründən sonra ixrac milyardlarla ölçülməyə başladı. 2003-cü ilin on ayında isə ixrac 39 milyard dollardır. Bu göstəricini şərh edən mütəxəssislər ölkənin iki ildən bəri mübarizə apardığı iqtisadi böhranın sona çatdığını vurğulayırlar.
Bölmənin digər xəbərləri
