ELM VƏ TƏHSİL
TÜRKLƏRLƏ YAPONLAR BİR QANDANDIR?
Məsələn, Egey dənizinə bitişik bölgələrdə və ölkənin Avropa hissəsində - Frakiyada məskunlaşmış sakinlərin qanında UB2 hemoqlobini aşkar edilmişdir ki, o da yalnız yaponlarda qeydə alınmışdır. Professor Duran Canatan demişdir: “Bu nəticələr sübut edir ki, bizim də, samurayların da kökləri ümumi ulu əcdaddan gəlir”.
Professor bildirmişdir ki, Anadolunun bəzi bölgələrində bundan əvvəl aparılmış tədqiqatlar da gözlənilməz nəticələr vermişdir. Demə, “türklər, afrikalılar və Hindistanın Pəncab ştatının sakinləri qohumdurlar”. Bu tədqiqatlar Türkiyənin Elbistan bölgəsi sakinlərinin qanında hemoqlobinin qeyri-normal sıxlığının səbəblərini aydınlaşdırmaq üçün aparılmışdır. Nəticədə onlarda D hemoqlobini aşkar edilmişdir ki, o da əvvəllər pəncablıların qanında tapılmışdı. Antakya, Hətay, Mərsin və Antalya sakinlərində aşkar edilmiş C hemoqlobini ancaq uzaq Afrika sakinlərinin qanında var.
Professor Canatan demişdir: “Bu tədqiqatlar həm də belə söyləməyə əsas verir ki, Qərbi Aralıq dənizi bölgəsində yaşayan türklərlə Afrika qitəsi sakinləri arasında qohumluq əlaqələri mövcuddur”.