Türkmənistanda keçirilən parlament seçkilərində yüksək seçici fəallığı qeydə alınıb
Bakı, 25 mart, AZƏRTAC
Türkmənistanda keçirilən parlament seçkilərində səsvermə yerli vaxtla saat 19:00-da başa çatıb.
AZƏRTAC RİA Novosti agentliyinə istinadla xəbər verir ki, seçkilərdə yüksək seçici fəallığı qeydə alınıb. Ölkənin Mərkəzi Seçki Komissiyasının məlumatına görə, seçicilərin 86,34 faizi parlament seçkilərində iştirak edib.
Budəfəki seçkidə 3,2 milyondan çox seçici qeydiyyata alınıb. Səsvermə 2,6 min seçki məntəqəsində keçirilib. Qanunvericiliyə görə, seçkinin nəticələri 2-3 gün ərzində açıqlanacaq.
Qeyd edək ki, Türkmənistan parlamentində 125 deputat yeri uğrunda partiya və vətəndaş qrupları tərəfindən irəli sürülmüş 284 namizəd mübarizə aparır. Bu ölkədə üç partiya - Demokratik Partiya, Aqrar Partiya, Sənayeçilər və Sahibkarlar Partiyası fəaliyyət göstərir.
Bölmənin digər xəbərləri
