ÜÇ HƏFTƏDƏ FRANSADA 10 MİN 400 NƏFƏR ÖLMÜŞDÜR

21.08.2003 [16:15]
Çap et
A⁺ A^-

Avqustun 1-dən 20-dək olan dövrü fransızlar “qara həftələr” adlandırmışlar. Yayılmış məlumata görə, bu müddət ərzində ölkədə ölənlərin sayı 10 min 400 nəfərə çatmışdır. Onların əksəriyyəti 80-85 yaşlı qocalardır. Bu, Fransanın tarixində görünməmiş hadisədir.

Rəqəmin böyüklüyü ölkədə ciddi təşvişə səbəb olmuşdur. Narahatlıq keçirən əhali məsələyə aydınlıq gətirilməsini tələb edir.

Aparılan araşdırmalar göstərir ki, bəzi səhiyyə ocaqları bu hadisəyə tam hazır olmadıqlarından, təcili yardım işçiləri çağırışlara özlərini vaxtında çatdırmadıqlarından ölkədə həyəcan doğuran belə bir rəqəm alınmışdır. Məsələnin belə şəkil alması xəstəxanaların, təcili tibbi yardım stansiyalarının yaranmış vəziyyətə tam hazır olmaması, vaxtında tədbir görülməməsi ilə izah edilir. Həqiqəti üzə çıxarmaq üçün ciddi araşdırmalar aparılması, günahkarın layiqincə cəzalandırılması zərurəti meydana çıxmışdır.

Yaranmış vəziyyətin Kanadadan yenicə qayıtmış ölkə başçısının yanında keçiriləcək yığıncaqda müzakirə edilməsi nəzərdə tutulmuşdur.