Ukrayna bazarında Azərbaycan şərablarının çeşidi genişləndirilir
Kiyev, 6 fevral, AZƏRTAC
Ukrayna bazarında Azərbaycan istehsalı olan şərab məhsullarının çeşidi genişləndirilir.
Bu barədə AZƏRTAC-a Ukraynada Azərbaycan şərablarının satış mərkəzinin rəhbəri Elimxan Mahmudov məlumat verib.
Onun sözlərinə görə, yaxın vaxtlarda Azərbaycanın “Ağdərə” brendli daha bir şərabı Ukrayna bazarında satışa çıxarılacaq. Artıq Ukrayna bazarında Azərbaycan şərabları və konyak məhsulları öz yerini möhkəmləndirib.
Xüsusilə “Qarabağ”, Azərbaycanın əfsanəvi “Ağdam” şərabı, “Şuşa” konyakı Ukrayna bazarında satılır. Bu məhsullar “AŞAN”, “NOVOS” “MEQA” hipermarketlərində, SOCAR-ın yanacaqdoldurma məntəqələrindəki marketlərdə satışa çıxarılır.
Qeyd edək ki, Azərbaycana məxsus 50-dək adda şərab və spirtli içki məhsulları Ukraynanın iri ticarət obyektlərində satılır.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
