UKRAYNA MÜSƏLMANLARI QURBAN BAYRAMINI QEYD ETDİLƏR

11.01.2006 [13:53]
Çap et
A⁺ A^-

AZƏRTAC Ukrinforma istinadla xəbər verir ki, Ukrayna müsəlmanları Qurban bayramını qeyd etmişlər. Yanvarın 10-da Kiyevdə, İslam İctimai Mədəniyyət Mərkəzinin məscidində təntənəli ibadət olmuş, namaz qılınmışdır. Mərasimdə paytaxt müsəlmanları, Ukraynada akkreditə olunmuş xarici səfirlər, ölkənin mədəniyyət və elm xadimləri, tanınmış siyasətçilər və KİV nümayəndələri də iştirak etmişlər.

Ukraynanın “Ərraid” Vilayətlərarası Müsəlman İctimai Təşkilatları Assosiasiyasının sədri doktor İsmayıl Qazı Ukrinformun müxbiri ilə söhbətində ölkədə yaşayan müsəlmanlara ukraynalıların hörmətlə və tolerantlıqla yanaşdıqlarını xüsusi vurğulamışdır.

Müxtəlif hesablamalara görə, hazırda Ukraynada 1,2-2 milyon müsəlman yaşayır ki, onlar da ölkə əhalisinin təxminən 4 faizini təşkil edirlər. 390-dək müsəlman icması qeydə alınmışdır, 30-dan çox icma isə qeydiyyatsız fəaliyyət göstərir. Ölkədə 5 müsəlman təhsil ocağı, o cümlədən 2 universitet var.

UKRAYNA MÜSƏLMANLARI QURBAN BAYRAMINI QEYD ETDİLƏR

MÜƏLLİFLƏ ƏLAQƏ

Bölmənin digər xəbərləri