Ukraynalıların 74 faizi prezident seçkilərində səsvermədə iştirak edəcək
Kiyev, 31 yanvar, AZƏRTAC
Səsvermə hüququ olan ukraynalıların 74 faizi prezident seçkilərində namizədlərə səs verəcəklərini açıqlayıblar.
AZƏRTAC xəbər verir ki, bu barədə “Reytinq” Sosioloji Qrupun keçirdiyi sorğunun nəticələrində məlumat verilib.
Sorğuda iştirak edənlərin 12 faizi səsvermədən imtina etdiklərini, 9 faizi hələ gedib-getməyəcəklərini bilmədiklərini, 5 faizi isə səsverməyə çox güman ki, getməyəcəklərini açıqlayıblar.
Qeyd edək ki, Ukraynada prezident seçkiləri martın 31-də keçiriləcək. Artıq 26 nəfərin prezidentliyə namizədliyi qeydə alınıb.
2014-cü ildə keçirilən növbədənkənar prezident seçkilərində seçicilərin 59,48 faizi səsvermədə iştirak edib. Seçkilərin birinci turunda Petro Poroşenko 54,70 faiz səs çoxluğu ilə qalib gəlib.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
