ULU ÖNDƏRİN AD GÜNÜNƏ HƏSR EDİLMİŞDİR
AZƏRTAC-ın müxbiri xəbər verir ki, Müstəqil Azərbaycan Respublikasının memarı və qurucusu, ümummilli liderimiz Heydər Əliyevin anadan olmasının 83-cü ildönümü ilə əlaqədar YAP Gəncə şəhər təşkilatı Azərbaycan Texnologiya Universiteti ilə birlikdə “Heydər Əliyev şəxsiyyəti vətənə, dövlətə və xalqa sədaqət nümunəsidir” mövzusunda elmi-praktik konfrans keçirmişdir.
Konfransı YAP Gəncə şəhər təşkilatı sədrinin müavini İsrafil İsmayılov açaraq bütün həyatını xalqının işıqlı gələcəyinə həsr edən bu dahi şəxsiyyətin ömür yoluna nəzər salmış, xilaskarlıq missiyasından danışmışdır. Sonra universitetin rektoru professor Telman Məlikovun “Heydər Əliyev və təhsil”, dosent Hüseyn Budaqovun “Heydər Əliyevin fəlsəfi düşüncələri” mövzularında məruzələri dinlənilmişdir.
Konfrans ağsaqqalların ulu öndərlə bağlı danışdıqları xatirələri ilə başa çatmışdır.
Bölmənin digər xəbərləri
