Ümummilli lider Heydər Əliyevin doğum günü Suraxanıda da geniş qeyd olunmuşdur
Bakı, 11 may (AZƏRTAC). Azərbaycan xalqının ümummilli lideri, ulu öndər Heydər Əliyevin anadan olmasının 88-ci ildönümü ilə əlaqədar ölkəmizin hər yerində olduğu kimi Suraxanı rayonunda da silsilə tədbirlər keçirilmişdir.
Rayon ərazisində iməciliklər keçirilmiş, abadlıq işlər görülmüş, məktəblərdə inşa yazı və rəsm müsabiqələri təşkil olunmuşdur.
Mayın 10-da isə Suraxanı rayon ictimaiyyətinin nümayəndələri, məktəblilər Heydər Əliyev parkında ulu öndərin abidəsi önünə tər çiçəklər düzmüş, ümummilli liderin əziz xatirəsini ehtiramla yad etmişlər.
Sonra Heydər Əliyev parkında konsert olmuşdur. Rayon mədəniyyət və incəsənət ustaları maraqlı konsert proqramı ilə çıxış etmiş, tədbir iştirakçılarına xoş ovqat bəxş etmişlər.
######
Bölmənin digər xəbərləri
