UNEC Qadınlar Şurasının üzvlərindən sosial həmrəylik təşəbbüsü
Bakı, 27 aprel, AZƏRTAC
Prezident İlham Əliyevin ölkəmizdə pandemiyaya qarşı mübarizə məqsədilə aparılan profilaktik tədbirlərin gücləndirilməsinə dair çağırışına dəstək olaraq UNEC-in Qadınlar Şurasının üzvləri sosial həmrəylik nümayiş etdiriblər.
UNEC-dən AZƏRTAC-a bildirilib ki, şuranın sədri Təranə Kərimovanın təşkilatçılığı ilə universitetin qadın əməkdaşları Səbail və Xəzər rayonlarında yaşayan aztəminatlı ailələrə, yaşı 65-i keçmiş tənha insanlara, ahıllara, Qarabağ əlillərinə, şəhid ailələrinə ərzaq yardımı ediblər.
UNEC Qadınlar Şurasının yardım aksiyası növbəti günlərdə digər məntəqələrdə də davam edəcək.
Bölmənin digər xəbərləri
