“UNİBANK” ÜÇÜNCÜ TRANŞI ALMIŞDIR
Bu vəsait hesabına iki layihə - inşaat avadanlığının və təsərrüfat tikililərinin inşası üçün xammalın alınması layihələri həyata keçiriləcəkdir. Hazırda onlar verilən trans çərçivəsində maliyyələşdirilən ən iri layihələrdəndir. Ümumilikdə, korporasiyanın maliyyələşdirmə xəttinin vəsaiti hesabına ümumi məbləği 887,1 min ABŞ dolları olan dörd layihə reallaşdırılmışdır.
2004-cü ildə “UniBank” və Fərdi Sektorun İnkişafı üzrə İslam Korporasiyası arasında kiçik və orta sahibkarlığa dəstək üçün 1,7 milyon ABŞ dollarının ayrılması barədə saziş imzalanmışdır. Kreditin müddəti 6 ildir.
Korporasiyanın şərtlərinə görə, bir borcalana verilən kreditin ölçüsü 100 min ABŞ dollarından 800 min dollar arasında dəyişə bilər. Bu zaman layihənin dəyərinin 50 faizdən az olmayan hissəsi borcalanın öz hesabına, yerdə qalan hissəsi isə bank tərəfindən maliyyələşdirmə xəttinin vəsaiti hesabına ödənilməlidir.
Xəttin mənimsənilməsi “UniBank”ın törəmə şirkəti olan “UniLeasing” tərəfindən həyata keçirilir.
Bölmənin digər xəbərləri
