“Ural Hava Yolları” Kaluqadan Bakıya birbaşa uçuşlara başlayır
Moskva, 13 dekabr, AZƏRTAC
“Ural Hava Yolları” aviaşirkəti Kaluqadan Bakıya birbaşa uçuşlar üçün bilet satışına başlayıb.
AZƏRTAC Kaluqa hava limanının mətbuat xidmətinə istinadla xəbər verir ki, uçuşlar 2021-ci il dekabrın 29-dan etibarən həftədə iki dəfə, çərşənbə və şənbə günləri yerinə yetiriləcək. Kaluqadan yola düşmə saat 09:25-də, Bakıya çatma saat 13:30-da, Bakıdan yola düşmə saat 14:30-da, Kaluqaya çatma isə saat 4:40-da reallaşacaq.
Uçuşlar 220 yerlik “Airbus A321” təyyarələri ilə həyata keçiriləcək.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
