VAQİF MUSTAFAZADƏNİN XATİRƏ GECƏSİ KEÇİRİLMİŞDİR
Martın 16-sı mahir improvizə ustası, virtuoz çazmen, respublikanın əməkdar artisti Vaqif Mustafazadənin doğum günüdür. Bu münasibətlə V. Mustafazadənin ev muzeyində xatirə gecəsi keçirilmişdir.
Gecəyə respublikamızın tanınmış mədəniyyət və incəsənət xadimləri, ziyallılar, Vaqif Mustafazadənin sənət dostları və yaxın qohumları toplaşmışdılar. Onlar bənzərsiz pianoçunun caz musiqisində yaratdığı orijinal üslubdan, onun oranjirovkasında səslənən ən parlaq əsərlərdən söhbət açmış, mərhum cazmenlə bağlı xatirələrini danışmışlar.
Xatirə gecəsində incəsənət ustalarının, “Sevil” vokal-instrumental ansamblı üzvlərinin ifasında mərhum pianoçu-bəstəkarın əsərləri səslənmiş, eyni zamanda bəstəkar Rüstəm Rüstəmzadənin Vaqif Mustafazadəyə həsr etdiyi “Onun nəfəsi” adlı instrumental musiqisi ilk dəfə ifa olunmuşdur.
Bölmənin digər xəbərləri
