VATİKAN ABŞ-I İNSANİYYƏTSİZLİKDƏ TƏQSİRLƏNDİRİR
Vatikanın köçkünlərə yardım işinə başçılıq edən kardinal Renato Martino demişdir: “Təəssüflə etiraf etməliyik ki, Berlin divarının uçurulmasını sevinclə qarşılayan dünyada qonşu rayonları, şəhər və ölkələri bir-birindən ayıran yeni divarlar ucaldılır”.
Noyabrın 14-də kardinal Roma Papası XVI Benediktin miqrantların problemlərinə həsr olunmuş illik müraciətini təqdim edərkən Birləşmiş Ştatları əcnəbilərə ölkəyə qanuni əsaslarla gəlməyə imkan verməyə çağırmışdır. Martino ABŞ ilə Meksika arasında divar çəkmək kimi “insaniyyətsiz layihə”yə qarşı çıxan bu ölkələrin din xadimlərini dəstəklədiyini bildirmişdir.
Xatırladaq ki, oktyabrın 26-da ABŞ Prezidenti Corc Buş Meksika ilə 1100 kilometr uzunluğunda sərhəd boyunca əlavə qoruyucu qurğular yaradılması haqqında qanun imzalamışdır.
Assoşieyted Pressin məlumatına görə, hazırda ABŞ-da təxminən 11 milyon meksikalı yaşayır və onların yarısının lazımi sənədləri yoxdur.
Bölmənin digər xəbərləri
