VERGİLƏRİN KÖNÜLLÜ BƏYAN EDİLMƏSİNİN SƏVİYYƏSİ ARTMIŞDIR

27.04.2006 [18:31]
Çap et
A⁺ A^-

AZƏRTAC xəbər verir ki, Vergilər Nazirliyi vergilərin könüllü bəyan edilməsi kampaniyasına yekun vurmuşdur. Nazirliyin Vergiödəyicilərinə Xidmət İdarəsinin rəisi Elçin Məmmədov aprelin 27-də keçirilən mətbuat konfransında bildirmişdir ki, vergiödəyicilərinin məlumatlandırılması üzrə geniş hazırlıq işi görülmüşdür. Təkcə bu ilin yanvar-mart aylarında pulsuz informasiya telefon xidmətinə bəyannamələrin tərtib olunması qaydaları ilə bağlı suallarla 5 mindən çox telefon zəngi olmuşdur. Nazirliyin saytında vergi bəyannamələrinin formaları yerləşdirilmişdir.

Ötən ilin yekunlarına əsasən, hüquqi və fiziki şəxs qismində 13 min 148 vergiödəyicidən 12 min 242-si bəyannamələri vaxtında təqdim etmişdir ki, bu da 93,1 faiz təşkil edir və inişilki göstəricidən 3,8 faiz artıqdır.

İdarənin başçısı bildirmişdir ki, 69 min 830 vergiödəyicisi vergi bəyannaməsini sadələşdirilmiş sistemlə təqdim etmişdir ki, bu da onların ümumi sayının 87 faizinə bərabər olub, inişilki göstəricidən 4 faiz çoxdur.

Vergilər Nazirliyi bəyannamələrin elektron variantının təqdim olunması sisteminin tənzimlənməsinə dair tədbirlər görür. Bu məqsədlə yaxın vaxtlarda ərazi vergi idarələrində kompyuter terminallarının quraşdırılması nəzərdə tutulmuşdur.

VERGİLƏRİN KÖNÜLLÜ BƏYAN EDİLMƏSİNİN SƏVİYYƏSİ ARTMIŞDIR

MÜƏLLİFLƏ ƏLAQƏ

Bölmənin digər xəbərləri