Vətəndaş elmində matris faktorizasiyası üsulunun imkanları araşdırılır
Bakı, 28 noyabr, AZƏRTAC
Elm və Təhsil Nazirliyinin İnformasiya Texnologiyaları İnstitutunda vətəndaş elmində layihələrin tövsiyəsi üçün matris faktorizasiyası üsulunun imkanları araşdırılır.
AZƏRTAC xəbər verir ki, bu barədə elmi seminarda institutun əməkdaşı Nərgiz Verdiyeva məlumat verib. O, vətəndaş elmində tövsiyə sistemlərindən bəhs edib, bu sistemlərin çox sayda məlumatların içərisindən uyğun məlumatları seçməyə, əsaslı qərarlar qəbul etməyə və inklüziv iştirakı artırmağa imkan verdiyini diqqətə çatdırıb. Məruzəçi bildirib ki, bu üsul alimlərə öz maraqlarına və təcrübələrinə uyğun layihələrə qatılmağa imkan verir, layihədə iştirakın və töhfələrin artmasına səbəb olur.
“Matris faktorizasiyası metodunun alqoritmləri və hiperparametrlərinin seçimini optimallaşdırmaq üçün geniş tədqiqatlara ehtiyac var”, - deyə məruzəçi vurğulayıb. N.Verdiyeva matris faktorizasiyası üsulunun vətəndaş elmində tövsiyə sistemlərinin qurulmasında tətbiq oluna biləcəyini deyib.
Bölmənin digər xəbərləri
