VƏTƏNDAŞLARDAN NARKOTİK VASİTƏLƏR GÖTÜRÜLMÜŞDÜR
Daxili İşlər Nazirliyinin mətbuat xidmətindən AZƏRTAC-a bildirmişlər ki, Narkotiklərlə Mübarizə Baş İdarəsinin əməkdaşları Bakı şəhər sakini, əvvəllər məhkum olunmuş Əlişöhrət Qasımovdan 0,309 qram, həmin idarənin qərb bölgəsi üzrə regional şöbəsinin və Ağstafa Rayon Polis Şöbəsinin əməkdaşları Anar Ərəbovdan 0,404 qram heroin, Nəqliyyatda Baş Polis İdarəsinin əməkdaşları isə Bakı şəhər sakini Elman Babayevdən 230,188 qram marixuana aşkar edərək götürmüşlər.
Suraxanı Rayon Polis İdarəsi 31-ci bölməsinin əməkdaşları Yeni Suraxanı qəsəbə sakinləri - əvvəllər məhkum olunmuş Arif Rzayevdən 0,476 qram, Taleh Soltanovdan 1,425 qram, Mingəçevir Şəhər Polis Şöbəsinin əməkdaşları şəhər sakini Elşən Süleymanovdan 0,211 qram, Əzizbəyov Rayon Polis İdarəsinin əməkdaşları Astara rayon sakini, əvvəllər məhkum olunmuş Asəf Rzayevdən 0,263 qram heroin götürmüş, narkotik vasitəni ona satmış həmyerlisi Şəfa Nəsirovu tutaraq, onun evinə baxış zamanı 1,138 qram heroin aşkar etmişlər.
Cəlilabad Rayon Polis Şöbəsinin əməkdaşları tərəfindən R.Quliyevə narkotik vasitə satmış rayon sakini Dəyanət Sadıqov tutulmuş, ondan 2 qram heroin müsadirə olunmuşdur. D.Sadıqova narkotik vasitəni satmış həmyerlisi Cavid Əsgərov tutulmuş, ondan 1,251 qram heroin götürülmüşdür.
Faktlarla bağlı araşdırmalar aparılır.
Bölmənin digər xəbərləri
