VİDEOMÜŞAHİDƏ KAMERALARI İSTANBULDA SİNAQOQLARI PARTLADAN TERRORÇULARDAN BİRİNİ QEYDƏ ALMIŞDIR

18.11.2003 [15:47]
Çap et
A⁺ A^-

AZƏRTAC-ın müxbirinin verdiyi xəbərə görə, bunu Türkiyənin daxili işlər naziri Əbdülqədir Aksu “Vətən” qəzetinə müsahibəsində açıqlamışdır. Nazir bildirmişdir ki, şənbə günü sinaqoqlarda partlayış törədən terrorçulardan birini müşahidə kamerasında qalan və faciədən bir az əvvəl çəkilən videoyazı əsasında eyniləşdirmək mümkündür. Söhbət Neve Şalom sinaqoqunun divarında qoyulmuş kameradan gedir. Ə.Aksu qeyd etmişdir ki, terrorçuların tanınması partlayışların təşkilatçılarının izinə düşməyə imkan verə bilər.

Nazir demişdir ki, “Türkiyədə belə cinayəti müstəqil törətməyə qadir olan təşkilatlar yoxdur. Aydındır ki, onun hazırlanmasında əcnəbilər iştirak etmişlər. Terrorçuların Türkiyə vətəndaşı olub-olmadığı hələlik məlum deyildir”. Ə.Aksunun sözlərinə görə, iki yük maşınının hərəsində plastik konteynerlərdə 400 kiloqram partlayıcı maddə olmuşdur. Bombalar Türkiyədə hazırlanmışdır.

Xatırladaq ki, bu vəhşilik nəticəsində 23 nəfər həlak olmuş, 70-dən artıq adam xəstəxanada çox ağır vəziyyətdədir. Onun törədilməsinə görə məsuliyyəti “Əl-Qaidə” terror təşkilatı öz üzərinə götürmüşdür.

VİDEOMÜŞAHİDƏ KAMERALARI İSTANBULDA SİNAQOQLARI PARTLADAN TERRORÇULARDAN BİRİNİ QEYDƏ ALMIŞDIR

MÜƏLLİFLƏ ƏLAQƏ

Bölmənin digər xəbərləri