XABİ ALONSO: QƏLBƏN “BARSELONA” YAXINDIR, LAKİN MƏN “LİVERPUL”DA OYNAYIRAM
“Liverpul”un yarımmüdafiəçisi Xabi Alonson etiraf etmişdir ki, “Barselona”ya rəğbəti var, lakin o hələlik, yalnız komandasının builki mövsümdə çıxışı haqqında düşünür. Beləliklə, yarımmüdafiəçi kataloniyalıların ona göstərdiyi marağı şərh etmişdir. “Barselona” ingilislərə X.Alonsonu qarşıdakı yayda transfer etmək təklifini irəli sürə bilər.
Yarımmüdafiəçi demişdir: “İspaniyaya qayıdacağım barədə şayiələr artıq çoxdan gəzir. Əgər hər hansı komanda məni almaq istəyirsə, “Liverpul”un rəhbərliyinə müraciət etməlidir. Hazırda ürəyimdə yalnız bir klub var. Mövsümün ən həlledici məqamında fikirlərimi yayındırmaq istəmirəm.
“Liverpul” yeni müqavilə ilə bağlı artıq təklif irəli sürmüşdür. Lakin bu məsələnin həllini mövsümün sonuna saxlayıram. Barselona şəhərinə bu komandatək rəğbətim var, burada mənim atam oynamışdır. Lakin futbol aləmində yalnız qəlbinin səsini dinləməklə qərarlar qəbul edə bilməzsən.
Bölmənin digər xəbərləri
