XALQ ŞAİRİNİN YUBİLEYİ QEYD OLUNMUŞDUR
Azərbaycan Yazıçılar Birliyinin Natəvan adına klubunda mərhum xalq şairimiz Cabir Novruzun anadan olmasının 70 illik yubileyinə həsr edilmiş yığıncaq keçirilmişdir.
Yazıçılar Birliyinin sədri, Milli Məclisin deputatı Anar yığıncağı açaraq, XX əsr Azərbaycan poeziyasının inkişafında Cabir Novruzun xidmətlərindən danışdı, yaradıcılığındakı bəzi məqamları vurğuladı.
Milli Məclisin deputatları Zəlimxan Yaqub, Sabir Rüstəmxanlı, Vaqif
Səmədoğlu, Xeyrəddin Qoca, habelə xalq şairi Qabil, Yazıçılar Birliyinin katibi Fikrət Qoca və başqaları vətənpərvər şairin şerlərinin məziyyətlərindən danışdılar, onun yardıcılığını yuksək qiymətləndirdilər.
Axırda Mirzə Novruzov atasının xatirəsinə göstərilən diqqət və ehtirama görə yığıncağın təşkilatçılarına və iştirakçılarına ailələri adından minnətdarlığını bildirdi.
Bölmənin digər xəbərləri
