Xalq Təsərrüfatı Nailiyyətləri Sərgisində Azərbaycan məhsullarının dequstasiyası keçiriləcək
Moskva, 16 may, AZƏRTAC
Moskvada Xalq Təsərrüfatı Nailiyyətləri Sərgisində (XTNS) yerləşən “Azərbaycan” pavilyonu ölkəmizin məhsullarının dequstasiyasını keçirəcək.
AZƏRTAC xəbər verir ki, mayın 18-də “Rusiya” beynəlxalq sərgi-forumu çərçivəsində XTNS-dəki “Azərbaycan” pavilyonu Azərbaycan Respublikasının İxracın və İnvestisiyaların Təşviqi Agentliyi (AZPROMO) ilə birgə Azərbaycanda istehsal olunan məhsulların dequstasiyasını növbəti dəfə təşkil edir.
Pavilyonun ticarət evində ən yaxşı quru meyvə və şirniyyat istehsalçılarının məhsullarının nümunələri təqdim olunacaq. Qonaqlar ənənəvi Azərbaycan çayının, mövsümi meyvələrdən hazırlanan kompotların dadına baxacaq, eləcə də Azərbaycanın Şamaxı rayonunun qərb hissəsində yerləşən məşhur üzümlüklərdən orqanik şərabı dequstasiya edəcəklər.
Belə aksiyalar pavilyonda dəfələrlə keçirilib. Onlar moskvalılarda və Rusiya paytaxtının qonaqlarında böyük marağa səbəb olub.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
