XARA-ZİRƏ PALÇIQ VULKANININ EKOLOJİ MONİTORİNQİ KEÇİRİLMİŞDİR
Ekologiya və təbii sərvətlər naziri Hüseynqulu Bağırovun rəhbərliyi ilə bir qrup ekoloq və jurnalist bu yaxınlarda oyanmış Xara-Zirə palçıq vulkanı ətrafında tədqiqat aparmışdır. Nazirliyin mətbuat xidmətindən AZƏRTAC-ın müxbirinə bildirmişlər ki, mütəxəssislərin götürdükləri lava nümunələri əsasında hazırda tədqiqatlar davam edir. Monitorinqin yekunlarına dair əlavə informasiya veriləcəkdir.
Xatırladaq ki, Xəzər dənizində 140-dan artıq palçıq vulkanı vardır. Bakı arxipelaqında 8 ada (Xara-Zirə, Zənbil, Qarasu, Qum, Səngi-Muğan, Çinmil və s.) palçıq vulkanlarından əmələ gəlmişdir. Bakı arxipelaqının ən iri adalarından olan Xara-Zirədə neft-qaz yataqları yerləşir. Bu adada palçıq vulkanının püskürməsi ilk dəfə 1810-cu ildə qeydə alınmışdır.
Bölmənin digər xəbərləri
