Xəzər rayonunun Qala qəsəbəsinin ərazisində iməcilik keçirilib
Bakı, 3 aprel, AZƏRTAC
Bakı şəhərinin Xəzər rayonunda ətraf mühitin qorunması və ekoloji vəziyyətin daha da yaxşılaşdırılması məqsədilə mütəmadi olaraq iməciliklər təşkil olunur və yaşıllaşdırma işləri görülür.
Xəzər Rayon İcra Hakimiyyətindən AZƏRTAC-a bildiriblər ki, belə iməciliklərdən biri aprelin 3-də rayonun Qala qəsəbəsi ərazisində keçirilib.
Rayon icra hakimiyyətinin təşəbbüsü və mənzil-kommunal təsərrüfat birliyinin birgə təşkilatçılığı ilə keçirilən iməcilik zamanı Qala qəsəbəsi ərazisində, xüsusilə Qala-Türkan avtomobil yolunun sağ və sol hissələrindəki ərazilərdən bərk məişət tullantıları və müxtəlif növ tullantılar xüsusi texnikalar cəlb olunmaqla təmizlənərək daşınıb.
Hazırda həmin ərazidə təmizlik və abadlıq işləri davam etdirilir.
Bölmənin digər xəbərləri
